Almaniyada Xocalı faciəsindən bəhs edən kitab və "almanca-azərbaycanca sözlük" nəşr edilib

Əhməd Umid Yazdani

Almaniyada Xocalı qətliamının 20-ci ildönümünə həsr olunmuş kitab nəşr olunub

Diasporla İş üzrə Dövlət Komitəsinin yaydığı  məlumata görə, 242 səhifəlik kitabın müəllifi Rolf Kunshdur. Almaniyanın Maqdeburq şəhərində fəaliyyət göstərən Saksen-Anhalt vilayəti üzrə Alman-Azərbaycan Mədəniyyət Cəmiyyətinin səyi sayəsində ərsəyə gələn kitabda Xocalı faciəsi barədə ətraflı məlumat verilib, dinc Xocalı sakinlərinə qarşı törətdilmiş qətliam insanlığa qarşı cinayət kimi səciyyələndirilib.

Berlində yaşayan azərbaycanlı, Alman-Azərbaycan Akademiklər Cəmiyyətinin sədri, professor Əhməd Umid Yazdaninin müəllifliyi ilə 900 səhifəlik, 45 mindən artıq söz və ifadədən ibarət “almanca-azərbaycanca sözlük” də işıq üzü görüb. Kitabda Cənubi Azərbaycan türkcəsinin də qarşılığı göstərilib, lüğət əlavə sözlərlə yenilənib.